ప్రశాంత వాతావరణంలో గణేష్‌ నిమజ్జనం

చింతకాని, సెప్టెంబర్‌ 29 (ఆయుధం): చింతకాని మండలంలోని 26 గ్రామాల్లో గణేష్‌ నిమజ్జన కార్యక్రమాలు ప్రశాంతంగా ముగిశాయి. ఎలాంటి అవాంఛనీయ ఘటనలు చోటుచేసుకోకుండా నిమజ్జన వేడుకలు సజావుగా సాగడంపై కాంగ్రెస్‌ నాయకులు పోలీస్‌ శాఖను అభినందించారు. ఈ సందర్భంగా చింతకాని ఎస్‌ఐ జి. నరేశ్‌ను కాంగ్రెస్‌ నాయకులు ఘనంగా సత్కరించారు.

ముందస్తు చర్యలపై ప్రశంసలు

మార్కెట్‌ కమిటీ చైర్మన్‌ అంబటి వెంకటేశ్వరరావు మాట్లాడుతూ.. గణేష్‌ నిమజ్జన కార్యక్రమాలను ప్రశాంతంగా నిర్వహించేందుకు పోలీసులు ముందస్తు ప్రణాళికతో చర్యలు చేపట్టడం అభినందనీయమన్నారు. డీజేల వినియోగాన్ని నియంత్రించడం ద్వారా ప్రజలకు, వృద్ధులకు, చిన్నారులకు ఇబ్బందులు కలగకుండా చర్యలు తీసుకోవడం మంచి నిర్ణయమన్నారు. ప్రజల భద్రతకు ప్రాధాన్యతనిస్తూ విధులు నిర్వహించిన ఎస్‌ఐ నరేశ్‌తో పాటు పోలీస్‌ సిబ్బందిని, సహకరించిన వినాయక ఉత్సవ కమిటీలను అభినందించారు.

మండల కాంగ్రెస్‌ అధ్యక్షుడు కన్నెబోయిన గోపి యాదవ్ మాట్లాడుతూ.. మండలంలోని అన్ని గ్రామాల్లో గణేష్‌ నిమజ్జన వేడుకలు ఎలాంటి అవాంఛనీయ ఘటనలు లేకుండా ప్రశాంతంగా జరగడం సంతోషకరమన్నారు. పోలీసుల సూచనలను ప్రజలు, ఉత్సవ కమిటీలు పాటించి సహకరించడం వల్లే నిమజ్జన కార్యక్రమాలు సజావుగా సాగాయని తెలిపారు.

ఎస్‌ఐ నరేశ్‌కు సన్మానం

అనంతరం ఎస్‌ఐ నరేశ్‌కు పూలబొకే అందజేసి శాలువాతో సత్కరించారు. నిమజ్జన కార్యక్రమాల సందర్భంగా శాంతిభద్రతల పరిరక్షణకు కృషి చేసిన పోలీస్‌ సిబ్బందిని అభినందించారు.

ఈ కార్యక్రమంలో జిల్లా కాంగ్రెస్‌ పార్టీ ప్రధాన కార్యదర్శి కొప్పుల గోవిందరావు, ఖమ్మం మార్కెట్‌ కమిటీ మాజీ ఉపాధ్యక్షుడు మడుపల్లి భాస్కర్, మత్కేపల్లి మార్కెట్‌ కమిటీ డైరెక్టర్‌ బందెల నాగార్జున, ఎస్‌.కె. కాసిం, చిన్నకేశవస్వామి దేవాలయ కమిటీ చైర్మన్‌ ఎండపల్లి శ్రీనివాసరావు, మండల కాంగ్రెస్‌ నాయకులు తిరుపతి యాదయ్య, ఎం.డి. మజీద్, అలస్యం బసవయ్య, పంది మురళి, మాజీ ఎంపీటీసీ బొర్ర ప్రసాద్, నాగులవంచ మాజీ సర్పంచ్‌ కంభం వీరభద్రం, నాగులవంచ దేవాలయ కమిటీ సభ్యులు వెచ్చ మంగపతిరావు, శిరసాని రమణప్రసాద్, గాంధీనగర్‌ ఉపసర్పంచ్‌ వంగూరి రమేష్, మండల యువజన కాంగ్రెస్‌ అధ్యక్షుడు కంచుమర్తి రామకృష్ణ, నాయకులు పరసగాని సతీష్, దేశబోయిన వెంకటేశ్వర్లు, తల్లూరి శేషయ్య తదితరులు పాల్గొన్నారు.